काँग्रेसले समाजवादको धार अंगाल्न सकेन ः यादव

पोखरा, चैत ७ गते । नेपाल ट्रेड युनियन कांग्रेस राष्ट्रिय समितिका कार्यबाहक अध्यक्ष महेन्द्रप्रसाद यादवले नेपाली श्रमिकको सामान्य अवस्थासमेत सुध्रन नसक्नु देशको दुर्भाग्य भएको बताउनु भएको छ । नेपाल ट्रेड युनियन कांग्रेसका संस्थापक स्वर्गीय गिरिजाप्रसाद कोइरालाको ११ औं स्मृति दिवसको अवसरमा ट्रेड युनियन नेता यादवले बीपीको नाम जप्ने, गिरिजाप्रसादको फोटो झुन्ड्याउने तर समाजवादको धार अंगाल्न नसक्ने कांग्रेस पार्टीले श्रमिकलाई स्थान दिनै नसक्ने बताउनुभयो ।

उहाँले भन्नुभयो, हामी कांग्रेससँग नजिकमात्र हो, पार्टीसँग हाम्रो सधै चेतावनीमा चलेको छौ ।’ यादवले थप्नुभयो, योगदानमा आधारित सामाजिक सुरक्षा कोषमा लक्ष्मण दाईले जति गर्नु भयो, त्यसलाई कांगे्रसले गर्न सकेन ।’ ‘कांग्रेस प्रजातन्त्र र लोकतन्त्रमा विश्वास गरेकाले हाम्रो समर्थन हो ।’ नेता यादवले ओली सरकारले पोलपोलमा नयाँ युग भन्दै फोटो टाँसेपनि ९० प्रतिशत नेपाली श्रमिक सामाजिक सुरक्षा सुविधाबाट बञ्चित भएको धारणा राख्नुभयो । नेता यादवले निजी क्षेत्रलाई हवला दिँदै स्वरोजगार, असंगठित र स्वयं सरकारसँगै करारमा सेवा गर्नेहरुमाथि समेत चरम विभेद भएको बताउनुभयो ।


नेपाल ट्रेड युनियन कांग्रेस कास्कीको आयोजनामा भएको सभामा कावा अध्यक्ष यादवले सदस्य संख्या बृद्धि गर्दै बार्गेनिङ पावर बढाउन जिल्ला र प्रदेश समितिलाई निर्देशन दिनुभयो । कोभिडले चुनौति र अवसर दुवै दिएको भएपनि श्रमिकको सवालमा सरकार अभिभावक बन्नै नसकेको चर्चा गर्नुभयो । महामारी कसैको बहसमा नभएको भन्दै नेता यादवले जिल्ला तहमै जगेडा कोष स्थापना गरेर श्रमिकलाई राहत दिन सक्नु पर्ने बताउनुभयो ।

जिल्ला अध्यक्ष विजयराज भण्डारीको अध्यक्षतामा भएको स्मृति दिवसमा नेपाल ट्रेड युनियन कांग्रेस राष्ट्रिय समितिका उपमहासचिव राधिका कुँइकेल, एनटियुसी गण्डकी प्रदेश अध्यक्ष मुरारी शर्मा, एनटियुसीका केन्द्रीय सदस्य जीतबहादुर गुरुङ, वित्तीय संस्था कर्मचारी संघका अध्यक्ष ज्ञाज शर्मा, जिल्ला सचिव रुद्रप्रसाद तिमिल्सिना लगायतले बोल्नुभएको थियो ।

स्मृति दिवसमा २०४८ मा बनेको श्रम ऐन र २०४९ मा बनेको ट्रेड युनियन ऐनले दिएको अधिकारसमेत वर्तमान सरकारले खोस्दै लगेको आरोप लगाएको बताउनुभयो । सभामा देशमा भएको हरेक पटकको परिवर्तनमा ट्रेड युनियन कांग्रेसको भूमिका बृहत् रहेपनि सरकारको कार्यशैली गलत बन्दा श्रमिक सधै मारमा पर्ने गरेको भनाई उल्लेख गरिएको थियो ।

सम्बन्धित खवर
टिप्पणिहरु
लोड हुदै...