निर्मलपोखरीबासीले भने राम्रो र हाम्रो नेता अधिकारी र थापा

सोमवार, मंसिर ४, २०७४
78

पोेखरा, ४ मंसिर । पोखरा लेखनाथ महागरपालिका–२१ निर्मलपोखरी एमालेको गढमा क्षेत्र नम्बर २ का उम्मेदवार रवीन्द्र अधिकारी र क्षेत्र नं २ प्रदेश १ का वाम गठबन्धनका उम्मेद्वार कृष्ण थापालाई सोमबार स्थानीयले भब्य स्वागत गरेका छन् ।अन्य वडाको तुलनामा विगतमा एमालेका उम्मेदवारले धेरै मत ल्याउने गरेको स्थानीय मोती लामिछानेले बताए । ‘हामीलाई विकास चाहिएको हो,जुन विगतमा एमाले नेताकै भरमा हामीले पाएका छौ,’ उनले भने, ‘आफ्नो ठाँउको विकास गर्न राम्रो र हाम्रो नेतानै अधिकारी र थापा हुन् ।’गाउँमा विकासको लागि भूमिका खेल्ने पार्टीलेनै विगतमा पनि जित्दै आएको र अलिहे पनि जित्ने गुमादेव गिरीले बताइन् ।

‘जुन चुनाव आएपनि काम गर्ने नेतालेनै जितेको छ हामी खुशी छा,ै यस पटक पनि अधिकारी र थापालाईनै भोट दिएर जिताउने हो ।’ दुई कम्युनिस्ट मिलेपछि त झन राम्रो भएको गिरीले सुनाइन् । ‘पहिला त धेरै भोटले जितेका थिए हाम्रो नेताले,’ उनले भनिन्, ‘यस पटक त थेगिनसक्नु भोट आउछ ।’जन चहानालाई सम्बोधन गर्दै आफु अघि बढेको क्षेत्र नम्बर २ का उम्मेदवार रवीन्द्र अधिकारीले बताए । ‘जुन कुराको समस्या थियो त्यो विस्तारै पुरा हुदैछ,’ उनले भने, ‘मेरै पहलमा बाटो पिच भएको छ, अब खानेपानीको समस्याको समाधान पनि छिट्टै हुदै छ ।’ भरतपोखरी कृस्ती निर्मलपोखरी सह लगानी खानेपानी योजनाको लागि काम अघि बढेको उनले सुनाए । ‘अब २ बर्ष भित्र एक घर एक धारा हुनेछ,’ उनले भने, ‘योजनामा सम्झैता भई सकेको छ ।’क्षेत्र नं २ प्रदेश १ का वाम गठबन्धनका उम्मेदवार कृष्ण थापाले विकासको लागि निकास ल्याउने जिम्मा आफ्नो रहेको बताए ।

‘जनताको काम भोट हाल्ने हो, हाम्रो काम विकास गर्ने,’ उनले भने, ‘विकासका लागि आवश्यक पर्ने सबै पूर्वाधार योजना बनाएर अघि बढ्ने छौ ।’ सबै जनताको साथ पाउने आश व्यक्त गर्दै थापाले चुनावमा अत्यादिक मतले विजयी हुने विश्वास प्रकट गरे । ‘कम्युनिस्ट र यो क्षेत्रको सम्बन्ध जति पुरानो छ, त्यतिनै बलियो पनि छ,’ उनले भने, ‘जनताको विश्वास कायम राख्न सोही अनुसारको काम गर्ने छु ।’पोखरा–२१ निर्मलपोखरी आँपको बोटबाट सुरु भएको घरदैलो कार्यक्रममा समानुपातिकतर्फका उम्मेदवारहरु सिर्जना शर्मा, भीमबहादुर कार्की र अशोक बुढा छन्त्याल, पोखरा–२१ का वडा अध्यक्ष खगराज आचार्य, जिल्ला विकास समितिका कोषध्यक्ष दीपक गोदार, भलिबलका राष्ट्रिय रेफ्रि तथा प्रशिक्षक नारायण भण्डारी, क्षेत्र नं २ प्रदेश १ का समन्वय कमिटिका संयोजक युवराज पौडेल, कमिटिको कार्यालय व्यवस्थापन संयोजक हीरा गिरी लगायतले जनातासँग भोट मागेका थिए । वडा नम्बर–२१ निर्मलपोखरीको आँपको वोट, मैदान, ठूलीस्वारा, चिलाउने खर्क, गिरी गाउँ लगायतको ठाउँमा घरदैलो गरिएको अनेरास्ववियु जिल्ला कमिटी कास्कीका पूर्व उपाध्यक्ष तथा उम्मेदवार थापाका सहयोगी रामराज पौडेलले बताए ।

शेयर