पोखराका १३ सहित गण्डकीमा ६७ संक्रमित थपिए

पोखरा, मंसिर ४ गते । गण्डकी प्रदेशमा ६७ जना कोरोना संक्रमित थपिएका छन् ।

स्वास्थ्य निर्देशनलाय गण्डकीले बिहिबार दिउसो दुई विज्ञप्ति जारी गरी नयाँ संक्रमित थपिएको जनाएको छ । पहिलो विज्ञप्तिमा ६ जिल्लाका ४१ जना र दोश्रो विज्ञप्तिमा ४ जिल्लाका २६ जनामा कोरोना संक्रमण पुष्टि भएको जनाएको छ ।

मृत्यु भएकाहरु
कोरोना भाइरस संक्रमणबाट गण्डकी प्रदेशमा तीन जनाको मृत्यु भएको छ । मृत्यु हुने तीन जना मध्य दुई जना पोखरा महानगरका र एकजना लम्जुङ जिल्लाका रहेका छन् । पोखरा महागनरपालिका वडा नम्वर १७ की ७५ वषीय महिलाको गण्डकी मेडिकल कलेजमा उपचारका क्रममा मृत्यु भएको छ । उहाँमा कात्तिक २४ गते कोरोना संक्रमण पुष्टि भएको थियो । पोखरा महानगरपालिका वडा नम्वर ९ की ८३ वषीय महिलाको फिष्टेल हस्पिटल एण्ड रिसर्च सेन्टरमा उपचारका क्रममा मृत्यु भएको हो ।गत कात्तिक २५ गते कोरोना संक्रमण पुष्टि भएको थियो भने लमजुङ जिल्ला बेशीसहर नगरपालिका ५ का ७१ वषीय पुरुषको मृत्यु भएको छ । पोखरा स्वास्थ्य विज्ञान प्रतिष्ठानमा उपचारका क्रममा मृत्यु भएको स्वास्थ्य निर्देशनालय गण्डकी प्रदेशले जनाएको छ ।

सम्बन्धित खवर
टिप्पणिहरु
लोड हुदै...