पोखरा, असार १० गते । पोखरा महानगरपालिकाले बाढी र पहिरोबाट प्रभावित सिन्धुपाल्चोकका दुई स्थानीय तहलाई २० लाख रुपैयाँ सहयोग गर्ने भएको छ ।
महानगर उपप्रमुख मञ्जुदेवी गुरुङले बिहीबार आर्थिक वर्ष २०७८÷७९ वर्षको बजेट सार्वजनिक गर्दै सिन्धुपाल्चोकको मेलम्ची नगरपालिका र हेलम्बु गाउँपालिकालाई आर्थिक सहयोग उपलब्ध गराउने बताउनुभयो ।
उपप्रमुख गुरुङले बाढी पहिरोबाट ठूलो क्षति भोगेको सिन्धुपाल्चोकका दुवै स्थानीय तहलाई १०÷१० लाख रुपैयाँका दरले सहयोग गर्ने बताउनुभयो । ‘यो कार्यले कठिन परिस्थितिमा पालिकाहरुबीच सहकार्यको वातावरण बनाउन सहयोग पुग्ने विश्वास लिएको छु,’ उहाँले भन्नुभयो ।सहयोगले पालिकहरुवीच सम्वन्ध र पीडामा साथ रहेको अनुभुति हुने उहाँले बताउनुभयो ।
