काठमाडौं। पोर्न फिल्म बनाएको अभियोगमा मुम्बइ पुलिसको क्राइम बन्चले सोमबार अबेर राती बलिउड अभिनेत्री शिल्पा शेट्टीका पति तथा व्यवसायी राज कुन्द्रालाई पक्राउ गरेको थियो । मुम्बइ क्राइम ब्रान्चका अनुसार राजविरुद्ध गएको फेब्रुअरीमा केस दर्ता गरिएको थियो । राजले पोर्न फिल्म उद्योगमा ८ देखि १० करोड रुपैयाँ लगानी गरेका थिए ।
राज र उनका बेलायतमा बस्ने भाइले मिलेर बेलायतमै केनरिन नामको एक कम्पनी बनाएका थिए । फिल्मका भिडियो भारतमा खिचिएका थिए । यी भिडियोलाई भी ट्रान्सफर (यो एक फाइन ट्रान्सफर सर्भिस हो) को माध्यमबाट केनरिनलाई पठाइएको थियो । यो कम्पनी राज कुन्द्राले नै बनाएका थिए र विदेशमा दर्ता गराएका थिए ताकि भारतको साइबर कानुनबाट बच्न सकियोस् ।
राजको गिरफ्तारीपछि केही ह्वाट्सएप च्याट सार्वजनिक भएका छन् । सार्वजनिक भएका स्क्रिनसटबाट राजले पोर्न फिल्म बनाउने कारोबारबाट ठूलो कमाइ गरेको खुलासा भएको छ । भाइरल ह्वाट्सएप च्याटमा एच अकाउन्ट्स नामको एक ग्रुप देखिएको छ जसको एडमिन राज छन् । यो ग्रुप च्याटमा राज आफ्ना आफन्त तथा पोर्न फिल्म बनाउने कम्पनी केनरिन प्रोटक्सन हाउसका अध्यक्ष प्रदिप बख्शीसँग पैसाको लेनदेन र कन्टेन्ट पोस्टिङबारे चर्चा गरिरहेका छन् ।
५ जनाको यो ग्रुपमा प्रदिप र राजको बीचमा व्यवसायको घट्दो र बढ्दो कमाइ, मार्केटिङ रणनीति, बिक्रीमा वृद्धि, पोर्न अभिनेत्रीले कमाइ पाइन् कि पाइनन् लगायतका विषयमा खुलेर चर्चा भएको देखिएको छ । च्याटमा देखिएको छ कि पोर्न फिल्मको व्यवसायबाट धेरै नापाm भइरहेको थियो र राज यो फस्टाउँदो व्यवसायबाट निकै खुसी थिए । बिजनेस डिल पनि राजले यही छलफलपछि फाइनल गर्थे । राजका पूर्व पीए उमेश कामत भारतमा केनरिन कम्पनीका प्रतिनिधि थिए ।
