पोखरा, कात्र्तिक । पोखराको पर्यटकीय फेवातालमा आन्तरिक पर्यटकको भिड बढेको छ नेपालीहरुको ठूलो चार्ड दशैँको अन्तिम दिन फेवातालको वीचभागमा रहेको बाराही मन्दिरको दर्शन गर्न जानको भिड लाग्यो । विहानैदेखि साँझसम्म आन्तरिक पर्यटकको भिड लागेपछि डुंगा व्यवसायीलाई भ्याइ नभ्याई थियो । दुई वर्ष कोरोनाका कारण प्रभावित बनेको पर्यटन व्यवसाय चलाएमान बनेको छ । पोखरामा आन्तरीक पर्यटक बढेपछि पर्यटन व्यवसायी उत्साहित हुनुभएको छ ।
दसैँयता पोखरामा आन्तरिक पर्यटकको भिड बढेको हो । पोखराको फेवाताल, बेगनासताल, महेन्द्र गुफा, गुप्तेश्वर गुफा, पातले छाँगो, विश्व शान्ति स्तुप लगायत प्रसिद्ध धार्मिकस्थल विन्ध्यबासिनी मन्दिर, केदारेश्वर महादेव मन्दिर, अकला मन्दिर, सराङकोट, काँहुधरहरा लगायतका स्थानमा आन्तरिक पर्यटकको चहलपहल देखिएको छ । कोरोना कहरका कारण झण्डै दुई वर्षयता सुनसान बनेको पोखरामा पर्यटकको आगमन बढ्न थालेसँगै पर्यटन क्षेत्रमा पनि आशा जगाएको छ ।
फेवातालमा डुङ्गा शयर होस् वा आसपासका सराङकोट, काहुँकोट, विश्वशान्ति स्तुप, पुम्दीकोट, हुडिकोट आदि स्थानमा पर्यटकको बाक्लै उपस्थिति देखिएको छ । यी स्थानबाट देखिने सूर्योदयको अवलोकनसँगै हिमाली दृश्यले पर्यटकलाई लोभ्याएको छ ।
पोखरामा विशेषतः सेप्टेम्बरदेखि डिसेम्बरसम्मको समय अत्यधिक पर्यटक आउने समय भए पनि कोरोनाका कारण सुनसान बनेको यहाँको पर्यटनलाई दसँैंको आगमनले ठूलै राहत पु¥याएको पोखरा पर्यटन परिषद्का अध्यक्ष गोपिबहादुर भटराईले बताउनुभयो । कोरोनाले प्रभावित पर्यटनमा एक साताबाट ब्यवसायीमा आशा लागेको छ उहाँले भन्नुभयो ।
दसैंँमा कार्यालयमा हुने बिदाका साथै घटस्थापनादेखि कोजाग्रतसम्म नै शैक्षिक संस्था बन्द रहेकाले देशका विभिन्न स्थानबाट घुम्न पर्यटक पोखरा आउनु भएको छ । भक्तपुरबाट पोखरा घुम्न आउनु भएकी अञ्जु प्रधानले कलेज विदा भएकाले घुम्न आएको बताउदै पोखराको सुन्दरताले मोहित बनाएको बताउनुभयो ।‘ यहाँबाट देखिने हिमश्रृखला, ताल र हरिया डाँडाकाडाले मनै आनन्दीत बनायो ।’ कोरोना संक्रमण दर घटेसंगै निषेधाज्ञा हटेपछि पोखरा घुम्न आउनेको संख्यामा बृद्धि भएको पश्चिमाञ्चल होटल संघ पोखराका अध्यक्ष लक्ष्मण सुवेदीले बताउनुभयो । दसैँ अघिसम्म सुनसान जस्तै रहेको पोखराका होटेलमा यतिखेर क्षमताको करिब ३५ प्रतिशत आन्तरिक पर्यटकले भरिभराउ भएको लेकसाइडस्थित होटेल सदनका सञ्चालक विश्वदर्शन पराजुलीले बताउनुभयो । पोखरामा साना ठूला गरी झण्डै एक हजार होटेल छन् । जसमध्ये १६ वटा तारे होटेल छन् । पोखरा भित्रिएका पर्यटकमध्ये ठूला होटेलमा क्षमताको ५० प्रतिशत पर्यटक पुगेका छन् भने साना होटेलमा क्षमताको २५ प्रतिशत पर्यटक पुगेको हान पश्चिमाञ्चलका अध्यक्ष सुवेदीले जानकारी दिनुभयो । उहाँका अनुसार पोखराका होटेलमा हालसम्म झण्डै पौने चार खर्ब बराबरको लगानी भइसकेको छ ।
हाल पोखरा भित्रिएका पर्यटकको तथ्याङ्कअनुसार १० प्रतिशत भारतीय पर्यटक छन् भने अन्य बाह्य पर्यटक पाँच प्रतिशत छन् । कूल पर्यटकको ८५ प्रतिशत आन्तरिक पर्यटक रहेको बताइएकोछ । सेप्टेम्बरदेखि डिसेम्बरसम्म पदयात्रा र पर्वतीय पर्यटनका लागि विदेशी पर्यटक आउने भएपनि पछिल्लो दुई वर्ष कोरोनाले सुनसान बनेको छ । पोखरा आउने विदेशी पर्यटकमध्ये ८० प्रतिशत पदयात्रामा जाने गरेको ट्रेकिङ एजेन्सिज एशोसिएसन अफ नेपाल(टान) पश्चिमाञ्चल क्षेत्रीय सङ्घ पोखराका अध्यक्ष सुशीलराज पौडेलले जानकारी दिनुभयो । विदेशी पर्यटक अहिले आउने अवस्था नरहेपनि आन्तरिक पर्यटक समेत पदात्रामा जान थालेका छन् उहाँले भन्नुभयो, ’अन्नपूर्ण, मर्दी हिमाल, पुन हिल,घान्द्रुक, सिक्लेस, ताङतिङ लगायतका क्षेत्रमा आन्तरिक पर्यटकको भिड देखिएको ।’
