काँग्रेस कास्कीको सभापतिमा उम्मेदवारी दिने सरस्वती गुरुङको घोषणा

पोखरा ।नेपाली कांग्रेस कास्कीको सभापतिमा पहिलो पटक महिला उम्मेद्वारी घोषणा भएको छ । अहिलेसम्म महिला सभापति बनेका छैनन् भने उम्मेद्वार समेत बनेको इतिहास छैन । महाधिवेसन प्रतिनिधिमा निर्वाचित भएको पर्सीपल्ट नेतृ सरस्वती गुरुङले सभापतिमा उम्मेदवारी घोषणा गरेकी हुन् ।
उनी हाल कांग्रेसको नीति, अनुसन्धान, प्रशिक्षण प्रतिष्ठानकी केन्द्रीय सदस्य हुन् भने २०७४ सालमा कांग्रेसको तर्फबाट पोखरा महानगरको उपमेयरमा पराजीत भएकी थिईन् । गुरुङले महिला सभापतिको इतिहास रच्न र पार्टीको नवनिर्माणका लागि आफुले सभापति उम्मेदवारी दिने बताएकी छिन् ।
‘महाधिवेसन प्रतिनिधि पदमा उम्मेदवारी दिँदा हजुरहरुले देखाउनुभएको सद्भाव, साथ र समर्थन मेरा लागि अमुल्य रह्यो । म तपाईंहरुको विश्वास प्रति नतमस्तक छु,’ फेसबुकमा स्टाटस लेख्दै उनले भनेकी छिन्, ‘महाधिवेसन प्रतिनिधि बनेपछि राजनीतिको माथिल्लो उम्मेदवारीको गेट पनि स्वतः खुला हुन्छ । म धेरै सल्लाह र छलफलपछि कास्की जिल्लाको सभापति पदमा उम्मेदवारी दिने निर्णयमा पुगेकी छु ।’
उनी कास्की क्षेत्र नम्बर १ बाट आदिवासी जनजाति महिला तर्फको महाधिवेसन प्रतिनिधिमा विजयी भएकी हुन् । गुरुङ कांग्रेस केन्द्रीय सभापति शेरबहादुर देउवा निकट मानिन्छिन् ।
सम्बन्धित खवर
टिप्पणिहरु
लोड हुदै...