पाेखरा, साउन २६ गते ।नेकपा एमाले स्थायी कमिटि सदस्य एंव कास्की जिल्ला इन्चार्ज थममाया थापाले नेकपा एमालेलाई सुदृढ र एकढिक्का बनाउदै मिसन ८४ मा जुटन नेता तथा कार्यकर्तालाई आग्रह गरेकी छन ।
नेकपा एमाले रुपागाउँपालिका पार्टी संयन्त्रकाे बैठकमा बाेल्दै २०८४ मा हुने निर्वाचनमा बहुमत ल्याउने गरि पार्टीलाई सुदृढ र एकढिक्का बनाउदै पहिलाे बनाउने याेजना सहित जुटन आग्रह गरिन ।
उनले पार्टीकाे संगठनकाे अवस्था बारे जानकारी लिन मिसन ग्रासरुट सञ्चालन गरिएकाे बताउदै पार्टीलाई जनताकाे विचमा स्थापित गर्दै बहुमत ल्याउने गरि बैचारिक र राजनीति रुपमा प्रतिबद्व भएर लाग्न अनुरोध गरिन ।
उनले संयन्त्र खास काम र समयकाे भएकाे उल्लेख गर्दै साउन महिनाभित्र पार्टी सदस्यता नवीकरण गर्नुपर्ने बताइन । उनले प्रदेश र जिल्ला अधिवेशन हुने भएकाले २०८० सम्मकाे सदस्यता नवीकरण साउनभित्र नगरे अधिवेशनमा प्रतिनिधि बन्न नपाइने समेत बताइन ।
साउनभित्रै नविकरण गर्न आग्रह गर्दै उनले दिनभित्र पार्टी सदस्यकाे घर घरमा गएर नवीकरण गराउन आग्रह गरिन ।
एमाले केन्द्रीय सदस्य एंव रुपागाँउपालिका इन्चार्ज मञ्जुदेवी गुरुङले चारदिनमा सदस्यता नवीकरण गरेर जिल्ला कमिटीमा पठाउन निर्देश दिइन । साउनभित्र नवीकरण नभए चुन्ने र चुनिने अधिकारबाट बञ्चित हुने बताउदै सदस्यता नविकरणमा जुटन आग्रह गरिन ।बैठककाे मुख्य एजेन्डा सदस्यता नवीकरण भएकाले यसकाे कार्यान्वयनमा जुटन निर्देशन दिइन ।
एमाले कास्कीका अध्यक्ष एंव सांसद मनबहादुर गुरुङले एमालेेले जनताकाे पक्षमा काम गर्दै जनताकाे मन जित्दै पहिलाे पार्टी बनाउने अभियानमा जुटनु पर्नेमा जाेड दिए ।
बैठकमा एमाले कास्कीका उपसचिव एंव रुपागाँउपालिका अध्यक्ष नवराज ओझाले पालिकाकाे बारेमा जानकारी गराएका थिए भने १ देखि ७ सम्मका पार्टीका वडा अध्यक्षहरुले पार्टी सदस्यता नवीकरण लगायत गतिविधि बारे रिपोर्टिङ गरेका थिए ।
चार दिनभित्र घर घरमा गएर नवीकरण गराउन आग्रह ।सदस्य नवीकरण मुख्य एजेन्डा हाे ।यसकाे कार्यान्वयनकाे लागि जुटन निर्देश दिनुभया ।